Сүзбелі бөлішкелер немесе Погача.

2 ст. жылы сүт
100 гр. сұйық май
1 жұмыртқа
3 ас қ. шекер
1 шәй қ. тұз
1 ас қ. дрожь

Үстіне:
жұмыртқаның сарысы
кунжут

Ішіне:
ірімшік
акжелек (петрушка)

Жоғарыдағы мәрзімелермен қамыр илеп, жылы жерге 1,5-2 сағатқа қойып қойыңыз. Қамырыңыз ашыған соң жаңғақ көлемінде қамырлардан үзіп алып, арасына ірімшік пен акжелекті салып домалақтаңыз. Үстіне жұмыртқа сарысынан жағып, кунжуттан себіңіз. Ыстық пеште 350F-те қамырыңыздың үстілері қызарғанға дейін пісіріңіз.

Лоран бәліші

Өте дәмді бәліш.

Қамыр үшін:
ұн – 250 грамм
сары май – 125 г
жұмыртқа – 1 шт.
тұз – жарты шәй қ.
су – 3 ас қ.

Үстіне құйма:
Жұмыртқа – 2 шт.
Ірімшік (сыр) – 150-200 г
33%-ті қою сүт (сливки) – 150-200 г

Ішіне:
тауық еті (алдын ала қайнатылған) – 1 шт.
саңырауқұлақ – 10 шт.
пияз- 1/2 шт.

Қамыр илеп тоңазытқышқа қойып қойыңыз. Ішіне салатын саңырауқұлақ пен пиязды аздаған майға қызартып қуырып алыңыз. Енді алдын ала пісірілген тауық етін турап қосыңыз. Отты сөндіріп, тұз, қара бұрыш қосыңыз.
Бетіне құятын құймасын әзірлеңіз. Жұмыртқаны жақсылап миксерлеп,  сливкиді қосыңыз. Енді осыған үккіштен (теркадан) өткізілген ірімшікті араластырыңыз.
Тоңазытқыштағы қамырды бәлішті пісіретін табаңызға жайыңыз.


Ішіне тауық пен саңырауқұлақты төгіңіз. Оның үстіне ірімшіктен әзірлеген құйманы құйыңыз.


200 градуста 30-40 минут пісіресіз. Бәлішті ыстық күйінде жесеңіз өте дәмді.

Түйме печенье

– 1 жұмыртқа
– 100 гр. сары май
– 200 гр ұн
– 150 гр. шекер
– 2 ас қасық қаймақ
– разрыхлитель

үстіне:
-Варенье
– бір шәй қасық коррица мен қант
– жұмыртқаның ағы

Сары майды шекермен араластырыңыз. Жұмыртқа мен қаймақ қосыңыз. Ұн мен разрыхлитель қосып қамыр илеңіз. Жаңғақ үлкендігіндегі домалақтарды жасап, жұмыртқа ағына малып, корица мен қант қоспасына батырыңыз. Әр домалақтың ортасын тесіңіз. Енді 10 минутқа духовкаға қойып пісіріңіз.  Үсті қызарып піскен кезде, печенелерді пештен шығарып,  ортасына бір шәй қасықтан варенье құйыңыз. Мен алша мен шие вареньесін қолдандым.    Қайта пешке қойып 5 минут пісіріңіз.

Кокосты печенье

50 гр. үгітілген кокос талшығы
280 гр. ұн
50 гр. үгітілген миндал жаңғағы
70 гр. шекер
2 жұмыртқаның сарысы
200 гр. сары май
ванилин
тұз

Үстіне:
кокос
шекер пудрасы

Жоғарыдағы мәрзімелерді араластырып жұмсақтау қамыр илеп тоңазытқышқа 30 минутқа қойып қойыңыз.
Қалаған формада печеньелер әзірлеп 175 градуста 10 минут пісіресіз.
Дайын болған печенелерді біраз суытып барып, шекер пудрасы мен кокос талшықтарына аунатыңыз.
Печеньелер ыстық кезінде абайламасаңыз үгітіліп кетуі мүмкін.

Салат


тауық еті-200 гр. (қайнатылған)
ірімшік-150 гр. (сыр)
жұмыртқа-2 тал
картоп- 2 тал
сәбіз-2 тал
қызылша-2 тал
грек жаңғағы
анар дәні

соус:
майонез 2 ас қ.
қаймақ 4-5 ас қ.
тұз 1 ш.қ.

Көкөністер мен жұмыртқаны қайнатамыз. қызылшадан басқасын кішкене төртбұрыштап тураймыз. Қызылшаны үккіштен өткіземіз.
Барлығын кезек-кезегімен арасына майонез бен қаймақ соуысынан құя отырып ыдысқа саламыз. бетіне жаңғақ пен анар дәнін себеміз. Бөлек-бөлек ыдысқа салмай-ақ, үлкен бір ыдыста жасасаңыз да болады.

Вафли 2

Балмұздақ стақаны ретінде қолдансаңыз өте дәмді, әрі сәнді 🙂
5 жұмыртқа
200 гр. сары май
200 гр. шекер
200-300 гр. ұн
ванилин

Арнайы вафли ыдысына құйып пісіресіз, жылдам орап қалаған формаңызды жасамасаңыз вафлилер тез қатады. Біраз суыған соң ішіне балмұздақтан, жемістен салып кішкентайларыңызды қуантыңыздар.

Спаржадан сорпа

Сары май-2 ас қ.
пияз-1 тал
перец (қызыл немесе көк)-1 тал
сәбіз-1 тал
көк спаржа (аспарагус)-500 гр.
саңырауқұлақ-200 гр.
су- 0,5 л.
күріш- 50 гр. (мен алдын ала күрішті пісіріп аламын)
лимон-1 тал
ірімшік-50 гр. (үккіштен өткізілген)
қатырылған нан

Көкөністерді кезек-кезегімен сары майда аздап қуырамыз. Су құйып қайнатамыз. Тұз, мускат жаңғағын , қызыл бұрыш қосамыз. 10 минуттай қайнатып, отты сөндіреміз. Петрушка, укроп (қалаған көк шөптен) саламыз да, араластырып, салқындатамыз. Блендерде езіп, тағы 5 минутқа отқа қойып бір қайнатып аламыз. Енді дайын болған сорпаға піскен күрішті саламыз. Кесеге сорпадан құйып, үстіне бір қасық лимон шырынынан, бір қасық ірімшіктен, және қытырлақ наннан салып сервис жасайсыз. Өте дәмді, тойымды сорпа.

 

Ирландияда Қазақстан сүзбесі

Ирландия дүкендерінің сөрелерінен Қазақстан брынзасының сатылымда тұрғанын көріп қуанып қалдым. Осылайша өнімдеріміз көптеп экспортқа шығып, Қазақстанның экономикасын көтере берсін!

Оразаларыңыз қабыл болсын!

Чапче


Корей елінің тағамдарынан. Өте дәмді, тойымды және ұнатып жейтін салаттарымның бірі.

  • Күріш лапшасы (Фунчоза лапшасы)
  • 2 тал сәбіз
  • 300 гр. ет
  • 1 тал пияз
  • 2 жұмыртқа
  • 100 гр.кептірілген саңырауқұлақ (муги босот)
  • 150 гр. шпинат
  • 2 тал сарымсақ

соус:

  • 2 ас қ.соя соусы
  • 1 ас қ.кунжут майы

Етті ұзыншалап турап, қыздырылған өсімдік майына баяу отта піскенше қуырасыз.

Жұмыртқалардың ағы мен сарысын бөліп, жеке-жеке қуырасыз.

Пиязды турап, сәбізді үккіштен өткізіп, қуырылған еттен қалған майға қуырып алыңыз.

Саңырауқұлақтарды жылы суға 5-10 минутқа салып қоясыз. (Корейше аты муги босот, корей дүкендерінен таба аласыз). Шпинатты да қайнаған суға 5 минутқа салып алып, суын сорғытып алыңыз.

Лапшаларды да қайнаған суға 10-15 минутқа демдеп, сосын суын сорғытып тастаңыз.

Енді осылардың барлығын араластырып, ұсақтап туралған сарымсақты, соя соусын және кунжут майын қосыңыз. Жақсылап араластырыңыз. Табаға салып барлығын араластырып бір қуырып жіберсеңіз де болады.  Жылыдай да, суықтай да жесеңіз дәмді. Етті кейде корейлілер соя соусы мен кунжут майына маринадтап қуырады, маған ондай тәсіл ұнамады, еттің дәмі мүлдем өзгеріп кететін болғандықтан. Саңырауқұлақ пен шпинатты қоспай-ақ жасасаңыз да болады.