Бұл тағамды пиццадан гөрі мен көбіне құймаққа ұқсатамын. Өте тойымды, әрі дәмді тағам. Егер ашты тағамды ұнататын болсаңыз ішіне ашты бұрышын көбірек қосуыңызға болады. Біз көбінде аштысын жеп үйреніп қалдық. Сіз өзіңіздің қалауыңызға қарай жасарсыз. Сонымен қатар, Корей халқы ішіне балықтың, шаяндардың неше түрін де қосып жасағанды ұнатады. Ал мен ондай тәжірибені әлі жасап көрмедім. Келешекте жасап жатсам хабар берермін.
Қамыр үшін:
- бір жұмыртқа
- 0,5 стақан су
- 150-170гр. ұн
- тұз
- сұйық май
Ішіне:
- Жусай немесе көк пияз
- 1 кішілеу сәбіз
- 100гр.ашты қызыл бұрыш
- 1 тал тәтті көк бұрыш
Жұмыртқа мен суды, тұзды, ұнды араластырып, жақсылап қозғайсыз. Ұнды шамалап көз мөлшерімен қосарсыз, кәдімгі құймаққа әзірлегендей, қамырыңыз сұйық болуы қажет. Енді осы қамырдың ішіне ұзынша етіп туралған сәбіз, қызыл бұрыш, көк бұрыш, жусайды қосасыз. Бәрін жақсылап араластырып, қазандағы қыздырылған майға құйып, отты пәсейтіп, 10-15 минут шамасында екі бетін де жақсылап пісіресіз.
