Акбантиктің Дастарханы

Елвираның Highly recommended еткен маффинін жасадым. Нәтижесі тамаша шықты. Мен де сіздерге жасап көріңіздер деп кеңес етемін!!! Рецептін көшірмесін қойдым.

• 1 стакан ұн
• 1 шәй қасық ас сода
• 2 ш.қ. разрыхлитель
• жарты ш.қ. тұз
• 1 стакан қант
• 2 жұмыртқа
• 100 гр сары май немесе 50 гр сүйық май
• қабығы аршылып, үккіштен өткізілген 1 үлкен алма

Бір ыдыста еленген ұн, сода, разрыхлитель мен тұз араластырыңыз. Бөлек ыдыста жұмыртқаны кем дегенде 4 минут миксерлеп, қант қосып тағы 4 минут араластырыңыз. Май қосыңыз. Үккіштен өткізілген алма қосыңыз.  Осы қоспаға ұн+сода+разрыхлитель+тұз қоспасын қосып жәйлап араластырыңыз. Көп араластырмаңыз. 220С алдын ала қыздырылған духовкада 20 минуттай пісіріңіз.

Маффиндерде алманың дәмі ерекше сезіліп тұрады, бірақ  алмалардың өздері көрінбейді.
Менде тура 12 маффин шықты.
 

Жент қазақтың ұлттық тағамы. Сірә бізден басқа ешбір ел жасамайтын болса керек, тіпті Қазақтардың ішінде де кеңге таралмаған, бірі білсе бірі білмес.
Бала күнімде есімде жентті апам ауызашарға дайындап жататын. Ал қазір бұл тағам біздің үйдің дастарханынан үзілмейді, мамамның жентін сағынатындығымыз соншалық, шет елге де асырып жатамыз, ешбір кедендік бақылаудан қорықпастан

• 0,5 кг тары талқаны
• 0,5 кг шекер
• 300 гр. қара мейіз
• 300 гр. ерітілген сары май

Жоғарыдағылардың барлығын жақсылап араластырып, дайын болған жентті суық жерге қоямыз. Жент қатқан соң кесіп-кесіп, дастарханға қойып, жей беруіңізге болады.
Қара мейіз үйде таусылып қалған соң сары мейіз қосқан едік суретте көрінбей қалыпты

Бала күнімізде жейтін <<Сказка>> торты көпшілігіміздің есімізде болар. Міне сол торттың рецептін бөліскелі отырмын. Түрі ұқсамағанымен,  дәмі дәл өзі

• 3 жұмыртқа
• 1,5 стақан шекер (300гр.)
• 200 гр. сары май
• 1,5 стақан қаймақ.
• 1,5 стақан ұн (300 гр.)
• 1,5 шәй қасық сода
• 0,5 сатқан мейіз
• 0,5 стақан мак
• 0,5 стақан ұнтақаталған жаңғақ

Крем:

• 1 банка татті сүт (сгущенка)
• 200 гр. сары май

Жұмыртқа+шекер+сары май+қаймақты араластырып, жақсылап миксерлейміз. Енді осыны 3 ыдысқа теңдей бөлеміз.
Бөлек табада 0,5 стақан ұн мен жарты шәй қасық соданы және 0,5 стақан макты араластырамыз.
Осы ұн қоспасын бірінші табаға араластырамыз.
Тағы 0,5 стақан ұн мен жарты шәй қасық соданы және 0,5 стақан мейізді араластырамыз.
Бұны екінші табаға араластырамыз.
Тағы 0,5 стақан ұн мен жарты шәй қасық соданы және 0,5 стақан ұнтақталған жаңғақты араластырамыз. Бұны үшінші табамен араластырамыз.
Кезек-кезек арнайы торт пісіретін формаға құйып, 180 гр. 30 минуттан пісіреміз.

Крем үшін бір банка тәтті сүт пен сары майды жақсылап миксерлеңіз. Нандардың арасына, бетіне жағып, торттың бетіне жаңғақ ұнтақтары, шоколад ұнтағы және тәтті нан ұнтағынан себіңіз. Қалауыңызша сәндеңіз. 

• 2 жұмыртқа
• 3 банана
• 2 стақан ұн
• 0,5 шәй қасық тұз
• 1 стақан шекер (200 гр.)
• 0,5 шәй қасық сода
• 1 шәй қасық разрыхлитель
• 1/3 стақан май

Бананаларды еземіз. Бір ыдыста ұнды, соданы, разрыхлительді және тұзды араластырамыз. 
Бөлек ыдыста жұмыртқа мен шекерді жақсылап миксерлейміз, осының үстіне езілген бананаларды және майды қосып, араластырамыз. Енді бірінші ыдыстағы ұн қоспалары мен екінші ыдыстағы қоспаларды біріктіріп, жақсылап араластырамыз да маффин құятын ыдысымызға қасықтап құямыз.
190 гр. = 20 минут пісіреміз.

Шамамен 12 маффин шығады. 

Яғни  Күрішпен араласқан Туна мен Ким-Чи дегенді білдіреді
Жасалынуы оңай, әрі жылдам. Біздің сүйкті тағамдарымыздың бірі.

• 3 стақан күріш
• 200 гр. ким-чи
• 300 гр. туна балығы
• 0,5 банка жасыл бұршақ
• 1 пияз
• сұйық май
• тұз
• жұмыртқа

Қазанда майды қыздырып, ірілеу етіп туралған  пиязды 1 минуттай ғана қуырамыз. Үстіне ким-чиді салып тағы 1 минуттай ғана қуырып, 3 стақан су құямыз. Қазан қайнаған соң тұз салып, алдын-ала жуылған күрішті салып қайнатамыз. Күрішіміз суға сәл ғана батып тұруы қажет. Қазан қайнаған соң, оттың астын пәсейтіп, күрішті демдейміз. Күрішіміз пісті-ау дегенде туна мен жасыл бұршақты араластырамыз. Енді тағы 5-10 минутқа демдеп қоямыз.
Ал жұмыртқаны адам санына қарай бөлек ыдыста қуырамыз. Тағам дайын болып, жеке-жеке ыдысқа салынғанда, қасына жұмыртқадан қоямыз.
 

• 200 гр. құлпынай
• 1 банан
• 100 гр. айран
• 100 гр. алма шырыны

Құлпынай мен бананды блендерде езіп, айран мен алма шырынын араластырасыз.
Смути дайын, әсіресе кішкентай балаларға жасап берсеңіз әрі денаулыққа пайдалы, әрі өтее дәмді сусын!!!

• 1 кг. қияр
• 500 гр. ет (қой н/е сиыр еті)
• 1 кіші пияз
• 1 уыс жусай
• 1 тал тәтті бұрыш
• 2 тал сарымсақ (чеснок)
• 1/2 шәй қасық қызыл ашты бұрыш және шекер
• 1 шәй қасық кориандр
• 2 ас қасық уксус 5%
• 3-4 ас қасық сұйық май
• 3-4 ас қасық соя соусы
• 1 шәй қасық тұз

Қиярдың екі ұшын кесіп алып тастаймыз да, ортасынан екіге бөліп, әрқайсысын 3-4 бөлікке ұзындығынан бөлеміз. Тұз сеуіп, бетін жауып, 30 минутқа қойып қоямыз.
Етті, пиязды, тәтті бұрышты соломка ретінде тураймыз. Жусайды 3-4 бөлікке ортасынан бөлеміз.
Енді қиярдың суын төгіп тастаймыз да, қиярдың үстіне қызыл бұрыш, кориандр, езілген сарымсақ және шекерді қосамыз.
Қазандағы қыздырылған майға етті қуырамыз. Еттің суы тартылғанда пиязды, жусайды және соя соусын қосамыз. 1-2 минут қуырамыз да оттан түсіреміз. Енді қазандағы етті қиярдың үстіне қосамыз. Татті бұрышты және уксусты қосамыз. 5 минуттан соң бәрін араластырып, дастарханға қоямыз. Жылыдай немесе суықтай да жей беруге болады.

Осындай тамаша салаттың рецептімен бөліскендігі үшін Нүрияға зор алғыс білдіремін!!!

Ұлыстың Ұлы күні Наурыз мерекемізбен баршаңызды құттықтаймын!!! Жаңа Жыл от басымызға жақсылық, дастарханымызға құт-береке алып келсін!!!

• 1 кг. ет
• қазы-қарта қалауыңызша
• 100 гр. бидай
• 100 гр. күріш
• 100 гр. жарма (перловка)
• 100 гр. тары
• тұз
• 3 л.су
• 1 л. айран

Қазанға су құйып, ет, қазы-қартаны салып, қайнатамыз. Алғаш қайнағанда сорпаның көбігін алуды ұмытпаңыз. 1,5-2 сағаттай қайнатып, етті сүзіп алыңыз. Енді дәндерді жақсылап жуып, бірінші бидайды салып, 5 минут қайнатамыз. Екінші, перловканы және күрішті саламыз. 5 минут қайнаған соң, тарыны салыңыз. Талғамыңызға қарай тұздаңыз. Дәндер пісіп болды-ау дегенде оттан түсіріп, салқын жерге қойыңыз.
Қазаннан түсірілген еттерді ұсақтап тураңыз. Енді еттерді және айранды сорпаға араластырамыз. 

Мен қазы-қартаны көжеге араластырмаймын, тек сорпа дәмді болсын деп қосамын. Қазы-қарта бөлек желінеді. Айранды қолдан ұйытып қосқаныңыз абзал, қолдың айранымен наурыз көже өте дәмді болады. Сондай-ақ, айранды көбірек қосып, наурыз көжені қоюлау жасағанды ұнатамыз.
 

• 1 кг Қытай қырықжапырағы (немесе өзімізге белгілі капуста)
• 2 ас қасық тұз
• 1 литр суық су
• 0,5 литр қайнаған су

Приправа үшін:

• 1 ас қасық езілген сарымсақ (чеснок)
• 1 ас қасық имбирь ұнтағы (ginger)
• 1 ас қасық езілген пияз
• 3-4 ас қасық ұсақталып туралған көк пияз
• 1 ас қасық езілген қызыл ашты бұрыш
• 2 шәй қасық шекер
• 1 ас қасық тұз

Қырықжапырақтың жапырақтарын жекелеп арасына тұз себеміз. Үстінен суық су құйып, үстін жақсылап бастырып, суық жерге 8 сағатқа немесе бір түнге қойып қоямыз. Жапырақтарды жақсылап сығып, суын толық шығарамыз. Таза сумен бір рет шайқаймыз да, қырыққабаттарды кептіреміз.
Приправа әзірлейтін мерзімелеріміздің үстіне ыстық суды құйып, жақсылап араластырамыз. Енді осы приправаны әр жапырақтың арасына жақсылап жағамыз.  Дайын болған ким-чилерді шишадан жасалынған ыдыстың ішіне салып, жақсылап аузын бекітеміз. Суық жерде кем дегенде 2 күн тұруы қажет.

Жалпы бір кг қырықжапырақтан 1кг ким-чи шығады.
Негізі Кореа ким-чилері өте ашты болады. Сіз бұрышты қалауыңызша қосып, аштылығын өз талғамыңызға қарай әзірлеуіңізге болады.

Өткен жексенбі күні Корей халқының Жаңа Жыл мерекесіне орай өткізген шет елдіктерге арналған фестиваліне барып қайттық. Корейлер қонақжайлылығын танытып, келген қауымға арнап дастархан жайып, ұлттық тағамдарынан да дәм татқызды. Сол дастарханнан Сіздерге сарқыт болсын, алған суреттерді ұсынамын
Сондай-ақ, шет елдіктерге өздерінің ұлттық тағамдарының қалай жасалатындығы жөнінде аспаздық дәрістерін өткізді. Үйренем деушілерге тек теориялық жүзінде ғана емес, практикалык тұрғыда да сабақтар өткізді. Менде қатысып, ким-чиді қалай жасау керектігін үйрендім
Айтпақшыдай осы фестивальда Бахытнұр досымыз дүниенің төрт бұрышынан жиналған қауымға елімізді таныстыру мақсатында presentation қойды, соңында қазақтың қара домбырасымен күмбірлетіп күй тартып, Корей халқын бір тамсандырып тастады. Бахытнұрға респект

Күріштен жасалған, Корейлердің тәттісі.

Ким-чи

Жұмыртқадан жасалынған (арасында саңырауқұлақ бар)

Мынау фунчеза салатына ұқсайды, бірақ ішінде еттің орнына теңіз капустасы қосылған.

Мынау неше түрлі өсімдіктер. Төмендегі кішкентай күлшелердің арасына қалағаныңызды салып, орап жейсіз.

Әрине ақ күріштері мен ким жапырақтарынсыз Корейлердің дастарханын елестету мүмкін емес. Күрішті ким жапырақтарына орап жейді.

Мынау тағамның атын ұмытып тұрмын есіме түскенде жазармын. Өтеее ашты тағам.

Корейлердің ең сүйікті тағамдарының бірі ТОК. Бұл да күріштен жасалады. Жасалу процесі өте күрделі екен.

Ал мынау мен ким-чи жасап жатқан.